Conferencia do Dr. Ángel Carracedo

AFORO COMPLETO! NON SE ACEPTAN MÁIS INSCRICIONS

Carballo será o escenario dunha conferencia única impartida polo prestixioso Dr. Ángel Carracedo, un dos científicos galegos máis recoñecidos a nivel internacional.

Organizada pola asociación Un Paso Máis, a charla levará por título "Enfermidades raras e do neurodesenvolvemento". Durante a súa intervención, o Dr. Carracedo afondará nos últimos avances en investigación xenética, destacando o seu impacto no diagnóstico e tratamento destas enfermidades, así como os desafíos que a ciencia enfronta neste ámbito.

A conferencia está aberta ao público e diríxese tanto a profesionais da saúde e a educación como a calquera persoa interesada en coñecer máis sobre estas patoloxías e o seu impacto social.

A entrada será de balde, pero é imprescindible realizar unha inscrición previa para garantir a asistencia. As prazas son limitadas, polo que desde a organización recoméndase reservar canto antes a través de www.unpasomais.org

Esta é unha oportunidade única para escoitar de primeira man a un referente mundial no campo da investigación científica.

A conferencia será o día 23 de xaneiro ás 19 horas na Biblioteca Rego da Balsa, en Carballo.

INSCRICIÓNS PECHADAS